Elegante.Pajaro 小豆靚鳥

6月28日 (四) 

到巴西燒烤晚飯, 那裡的食物大不如前, 仲越來越差。
最精彩的節目是飯後到了 Neway City 唱K, 一直唱至大約2:00開始回家, 差不多3:00抵家。
其實已經很累了, 或許實在太貪玩了。

6月30日 (六) 落雨燒野食

同人講話今日去燒野食, 個個第一個反應都係話「燒野食, 落雨喎!!!」
所以本來諗住自己買野燒變左自己買野+入龍古灘燒, 因為果度有瓦遮頭。
我地買左大蟹﹑大蝦﹑大蜆同墨魚仔。全部都好好食。

正! 正!!正!

我地話下次晴天一定要去石澳游住燒+燒住游

燒完野食之後本來諗住探城城, 點知佢地去左街街,
咁我地唔等喇, 兆榮同Cypress上左屋企玩。
打左四圈麻雀。後來家灝都上埋黎。
蝦米要工作, 如果唔係應該已在。

7月1日 ~ 回歸十周年

是晚到灣仔晚飯, 為了睇煙花+慶祝七月份的朋友生日 ~~ 四眼﹑林欣﹑仲有欣怡,

今次一行十三人(連埋兩個BB), 有兩位主腳﹑我同媽咪﹑
阿瑤一家四口再加佢老爺﹑謝生兩公婆﹑小雄&欣怡。

酒樓人太多, 基本上都唔係好睇到煙花。
好彩酒樓的食物唔差, 個荷葉飯﹑魚﹑紅豆沙同桂花糕都唔錯。

Phyo 終於肯摻我地玩喇, 佢越來越精靈&鬼馬。

我地食完飯之後, 一行六人去唱K, 小雄要番荃灣飲野,
唔理我地lu, 我都知我地的吸引力唔大。

不過小雄陪我媽咪番荃灣, 唔該晒啦!!

除左阿瑤之外, 個個都無帶相機,
因為諗住我會帶, 點知我出門口唔記得左攞。
所以剩係同Phyo影左幾張相。

今日玩到凌晨5:00抵家。

7月2日 (一)
睡至十二點半起左身, 唔知做咩完一輪再訓過,
whole day 在家渡過, 食完野, 睇完碟, 再訓.....
假期結束了, 明天要上班。